Vawiin-ah zirna In hawn tan a ni dawn ta

Kum 2023-2024 Academic Session thar atan Vawiin hian zirna In hrang hrangte chu hawn tan a ni dawn ta.
Kum 2023-2024 Academic Session thar atan hian zirna In tam ber te chuan Admission tihna hun hawng tawhin Vawiin-a Admission hawng tur zirna In thenkhat an awm bawk. Secretary School Education in thuchhuah siama a tarlan danin Academic Session 2023-24 chhungin Primary School zirlaiten sawrkar chawlh (holiday) pangngai bakah, chawlh (vacation) ni 69 an nei dawn a, School an kai ni tur chu ni 200 a ni. First term (April - July) chhungin ni 76 School an kai dawn a, 2nd Term (August - November) chhungin ni 70 leh 3rd Term (November-March, 2024) chhungin ni 54 school an kai ang.

Middle School zirlai te chuan sawrkar chawlh pangngai bakah vacation ni 39 neiin ni 220 chhung school an kai anga. First Term-ah ni 77 School kaiin 2nd Term-ah ni 70 leh 3rd Term-ah ni 73 School an kai ang. High School zirlai ten sawrkar chawlh pangngai bak vacation ni 56 an nei dawn a, ni 207 chhung School an kai ang. First Term chhungin ni 78, 2nd Term chhungin ni 73 leh 3rd Term chhungin ni 56 chhung School an kai ang. Higher Secondary School zirlai ten ni 207 chhung School an kai dawn a, sawrkar chawlh bak vacation ni 56 an nei ang. First Term chhungin ni 78, 2nd Term chhungin ni 73 leh 3rd Term chhungin ni 56 school an kai ang.

Sawrkar in ruahmanna a lo siam tawh angin Academic Session thar atang hian 'Common Uniform' chu sawrkar enkawl School ah kalpui a ni dawn bawk a ni.

Comments

Popular News (Last 30 Days)

Vawiin-ah HSSLC Exam result