Ruihhlo dona atan Thirsakawr intlansiak nei

Thenzawl Cycling Association chuan nimin khan a vawi khatna atan Thenzawl-ah naupang te tan Thirsakawr-a intlansiakna an huaihawt. Thenzawl Cycling Association hian tunlaia ruihhlo hluar zel laka naupang leh tleirawl te an lo him theih nan leh nundan tha inzirtirna atana mipa leh hmeichhe naupang leh tleirawl tan Thir-sakawr intlansiak hi an buatsaih a, Thenzawl leh a chhehvel khaw hrang hrang atangin mi za chuang zet an tel a ni. Thirsakawr intlansiakna hi nau-pang kum 9 leh kum 12 chin hnuailam leh tleirawl kum 15 chin hnuailam tan inelna a hrana buatsaih niin, Age Group tinah hian pakhatna atanga pathumna te chu lawmman pawisafai leh trophy pek vek an ni a, ruihhlo do kawnga fuihna thu hrang hrang hrilhin zirtir an ni bawk.