Jail-a tang 3 tlanchhuak

Serchhip District Jail-a tang mek mi pathum te chu nimin khan tlanchhuakin zawn mek an ni.
Serchhip District Jail Superintendent hnen atanga thu kan dawn danin tunhnaia Heroin kaihhnawih a man Serchhip District Jail-a tang mek mi 4 te chu nimin khan Serchhip District Court-ah hruai an ni a, Court-a an inlan zo District Jail a khung leh tura Jail kawt-a Motor atanga an chhuk chu an pali hian tlanchhuah an tum a, an zinga mi pakhat chu man hman niin midang pathum te chu Jail hungna sir lamah tlan liamin man hman an ni ta lo a, man leh ngei tuma zawn zui nghal an ni.


Nimin-a Serchhip District Jail-a tang mek tlanchhuak te hi tun thla ni 4 zan-a Serchhip leh Thenzawl inkar-a Heroin Hawng 5 manna kaihhnawiha thubuai nei David Lalremruata (30) S/o Zothanga, Zokhawthar leh Lalzuimawia (24) S/o Liankhuma (L), Zokhawthar nia insawi ve ve bakah tun thla ni 5-a New Serchhip Irrigation Complex bula Heroin Hawng 21 zet an man kaihhnawih a man Lalnunhlima (32) S/o Hrangthankima, New Serchhip Luiralmawi nia insawi te an ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni