Tawng chi hnih-a dah zirlaibu thar tlangzarh

/

Mizoram Board of School Education (MBSE) in pawl 9 zirlaibu an siam thar, Science leh Mathematics zirlaibu Mizo tawng leh Sap tawng a dahkawp chu Human Resources Development (HRD) Board Vice Chairman Dr L.Thangmawia MLA chuan niminpiah khan a tlangzarh.

    MBSE Conference Hall-a Class IX Textbook thar, Science leh Mathematics zirlaibu Mizo tawng leh Sap tawng-a dah kawp tlangzarhna hunah hian Dr. L. Thangmawia chuan he lehkhabu chhawpchhuah a ni ta chu lawmawm a tih thu sawiin, Zoram mai ni lo, India ram ang pawha zirna lama Mellung pawimawh tak a nih thu a sawi a. Science leh Mathematics tawngkam te hi Mizo tawng-a a tlukpui kan neih loh a tam bik avangin lehlin hnathawh hi hna hautak tak a nih thu pawh sawiin, Zzirlaiten Science leh Mathematics zirlaibu te mahni tawng ngeia chhiar tur an neih hnu hi chuan Subject hara an ngaihna thin pawh a tih ziaawm ngei a beisei thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »