Latest News

Court in thiamloh chantir

Kum 2001 bawr vela Tuirial Hydel Project siamna tura NEEPCO hmalakna a ram lakna leh zangnadawmna pek thubuai-ah mi 6 te chu thiamloh chantir an ni a, heng mite hremna hi Vawiin hian puan a ni ang.

    He thubuai hi CBI ten chhuiin khatih laia Aizawl DC Pisa-a ADC leh ASO-II hnathawk kawp H. Lianzela MCS te, ram neitu a in chhal C. Vanlalchhuana (Electric Veng, Aizawl); Saiaithanga (Tuithiang, Aizawl); C. Rokhumi (Durtlang, Aizawl) Lalduhawma (Durtlang Leitan); K. Lalrawna (Champhai Bethel); PC. Lalthazovi (Durtlang Leitan) leh K. Darkunga (ITI Veng, Aizawl) bakah VC ram pass-a Sela hminga diklo taka hming lo sign tu-a puh Lalrinsanga (Saipum) te chu thubuai siam sak an ni a. He thubuaia thutlukna hi nimin khan Court of Special Judge chuan puangin, H. Lianzela leh Lalrinsanga te thiam an chan laiin, midang zawng chu thiam loh chantir an ni a, an zinga pakhat K. Darkunga chu a thih tawh avangin a thubuai tihtawp a ni thung.

Thiamloh chantirte hi inthurual tlanga VC ram pass lem siamna a inhnamhnawih ah te, VC ram pass lem hmanga zangnadawmna an dawn theihna atan sawrkara thuneitute bum ah te, VC ram pass lem a dik ang taka lantira zang-nadawmna dawngah te thiamloh chantir an ni a, nimin khan Jail-ah dahluh nghal niin Vawiin hian a hremna tur puan leh a ni ang.

Comments

Popular News (Last 30 Days)