Mizoram-a State Institute of Hotel Management-ah kumin hian eng Course emaw ber tan tum a ni

Mizoram-a State Institute of Hotel Management chu kumin chhungin eng Course ber emaw tan tum a ni. Ministry of Tourism ruahman anga Mizoram Sawrkar Tourism Department-in a taka function tura hma a lak mek.

    Bung Bangla-a State Institute of Hotel Management hi nimin khan Tourism Minister Robert Romawia Royte leh sawrkar mi pawimawh ten a hmunah an tlawh a, he hunah hian Tourism Minister chuan SIHM building sakna tur sum hi MNF sawrkar hmasak lai, kum 2008-09 ah cheng nuai 800 sanction a nih thu leh kum 10 chuang hnua Zoramthanga kaihhruai Sawrkar a lo din leh hnu 2019-ah SIHM Dan in a phut angin Cabinet in SIHM atan posts 32 siamin a taka a function nan tan a la zui tih a sawi a. Covid hripui avanga harsatna in hmalakna a timuang chungin theihtawp chhuah azarah Equipments ngai turte lei thar a ni leh ta tih a sawi bawk.

Robert Romawia Royte chuan SIHM hi Mizoram mamawh em em a nih avangin sum harsatna khirh tak karah pawh a taka a function tan dan tur Sawrkarin a ngaihtuah mek thu leh tih ngai la tam viau mah se kumin chhungin eng Course ber emaw chu tan beisei a nih thu a sawi bawk.

SIHM-ah hian Main Building leh mipa leh hmeichhe Hostel pakhat ve ve a hrangin a awm a, nimin-a helai hmun tlawhna ah hianTourism Minister bakah MLA 4, Tourism Director leh Officials te telin tunhnaia Tourism Ministry-in cheng nuai 200 a sanction hmanga SIHM atana bungbel leh equipments lei tharte an enho bawk a ni.