Latest News

Kum hmasa aiin Zawlpui Zau-a buh thar tlem zawk

Serchhip Mat phai-a Zawlpui Zau FMC chuan an chhinchhiah chinah nikum hmasa (2021) a an buh tharchhuah aiin nikum (2022)-a an buh thar chu phur sang khat chuanga a tlem thu an sawi.
Serchhip Zawlpui Zau FMC hian nimin khan Assembly vawi 38-na neiin he hunah hian nikum chhunga an Buh tharchhuah zat an tarlang a, nikum hmasa (2021)-ah khan Buh phur 4774 thar anga an chhinchhiah laiin nikum khan phur 3285 thar anga an chhinchhiah thu an sawi a, amaherawh chu in report lo tlem an awm bawk avangin hei aia tam hlek erawh a nih a rinawm tih sawiin, heta chhinchhiah chinah hian nikum hmasa aia nikum-a an buh thar tlemna hi phur 1,489 zet a tling a. Zawlpui Zau-ah hian Leilet nei chhungkaw 60 vel an awm a ni.


Zawlpui Zau FMC Assembly-ah hian an President Zomuana Hnamte kaihhruaiin rorelna an nei a, an thurel zingah Mat lui khuah a nih theih nana hmalak telin sawrkar hotute pawh Zawlpui-ah hian hruaiin a hmunhma enpui tum nise an ti a, kum khat-a vaawi hnih tak buh thar a nih theih nan Tlangcheng-ah Tuizem lian siam a nih theih nana hmalak an rel bakah Buh ah leh phun rate bithliah nise an ti a. Zawlpui Zau-ah khualzin ten an tlawh theih tura Rope Way siam pawh an rel bawk a ni.

He hunah hian MJA Serchhip District kaihhruaina in kum 2023-2024 chhunga hruaitu tur thlanna an nei a, President-ah Zomuana Hnamte (Saron Veng); Vice President-ah Kapthianga (Chhim Veng); Secretary-ah Lalnghinglova Kawlni (Dinthar Veng); Asst. Secretary-ah F. Mal-sawmtluanga (Leisang Veng); Treasurer-ah Sailopara (Leisang Veng) leh Fin, Secretary-ah Thanhnuna Chhim Veng te thlan an ni.

Comments

Popular News (Last 30 Days)