Latest News

Serchhip-ah Aluminium Mistiri Training nei tan

State Institute of Rural Development & Panchayati Raj (SIRD&PR) Mizoram leh District Panchayat Resource Centre (DPRC) Serchhip buatsaih Aluminium Mistiri Training chu nimin khan Serchhip-ah neih tan a ni.
    Serchhip Tarpi Tlang DPRC Auditorium-a Aluminium Mistiri Training hawnna hi DPRC Serchhip-a Head Faculty Vanlalhruaia Ralte chuan kaihruaiin mi 30 tel tura beisei ah mi 34 an tel a, Aizawl atangin training pe turin R. Lalrohlupuia rawn kalin hetiang training hi Central YMA te pawhin a lo buatsaih tawh thin thu leh mi tam takin eizawnna atan an lo hman tawh thu a sawi a. Hetianga Mistiri Training an neih hnu hian mahni hlawkna tur chauh ngaihtuaha rate sang tak tak hman tum lo turin training a tel te chu a chah bawk.


Tun tuma Aluminium Mistiri Training a tel te hi Serchhip khawpui chhunga mi te vek an ni a, tuna Training pe tura rawn kal bakah hian Aizawl lam atangin Engineer te pawh rawn tel zui tura beisei niin tunkar Zirtawpni chawhnu khian a kharna neih a ni anga, training a tel te hi Certificate pek tur an nih bakah an training chhungin DA pek an ni dawn bawk a ni.

Comments

Popular News (Last 30 Days)