District Level Science & Mathematics Quiz neih a ni
.jpeg)
He Quiz Competition hi Serchhip DEO Lawmawma chuan hmanpuiin zirlai naupang ten Science leh Mathematics-a hma an sawn theih nan Samagra Shiksha chuan Competition bakah Seminar te a buatsaih thin thu a sawi a. Science thiamna atang lo chuan hmasawnna hmuh a har tawh thu sawiin, Mizoram hmasawnna atan pawh Science thiamna a pawimawh thu a sawi a, hei vang hian zirlaite pawhin Science lak duhna rilru an put a tul thu a sawi a. Hei mai bakah hian Science thiam tan hna thawh tur a tam thu leh Private Company bakah mahni a ei leh bar dapna a awm thu a sawi a. Eizawnna tha leh nuam zawk kan neih theih nana lehkha zir kan nih angin Science kawng zawh a pawimawh thu leh ke pen zel turin zirlaite chu a chah bawk.
He Quiz Competition-ah hian High School Section-ah Govt. Bungtlang H/S, ZM H/S leh Govt. JM H/S te telin Govt. JM H/S aiawha tel H. Lalchhanhimi (Leader) leh MS. Dawngliani (Member) te chu pakhatna an ni a, Govt. Bungtlang H/S leh ZM H/S ten an dawt bawk.
Middle School Section-ah pawh School pathum, Govt. Chhiahtlang M/S, Govt. Hmun-zawl M/S leh Govt. Keitum M/S-II te telin Govt. Hmunzawl M/S atanga tel Lallawmzuala Hnamte (Leader) leh Miriam Zoremmawii (Member) te chu pakhatna an ni bawk a, Govt. Chhiahtlang M/S leh Govt. Keitum M/S-II ten an dawt a. Pakhatna te hian lawmman ah Rs. 3000/- dawngin a tel zawng zawngte hi lawmman pek an ni bawk.
Comments
Post a Comment