Latest News

District Championship khel tan

Serchhip District Football Association (SDFA) buatsaih Serchhip District Football Championship chu nimin khan khelh tan a ni.

Serchhip Sports Complex-a khelh District Football Championship-ah hian 1st Division leh Zone atangin Team 9 an tel a, nimin a inkhel hmasa berah Group A atangin FC Serchhip Kawnpui leh Kawn Veng FC Chhiahtlang te goal khat ve ve inpe in an inhnehtawk a, FC Serchhip Kawnpui tan Felix Lalruatsanga chuan goal khungin Kawn Veng FC tan C. Lallawmawma chuan goal khat a khung bawk.

Group B-ah Hmar Veng FC in Sialsir chu si 16 faiin an sawp thung a, Hmar Veng FC tan Lalhunthara leh Suanngaihmuan te chuan goal 4 ve ve khungin Vanlalpeka chuan goal thum a khung a, Vanlalhruaizela chuan goal hnih khungin V. Lalrinchhana, Vanlalruatdika leh Lalhmangaih-sanga ten goal khat theuh an khung bawk.

Nimin-a Inkhel hnuhnung berah Vengchung FC in Chhekhnai FC 3-2 in an hneh a, Vengchung FC tan David Lalawmpuia leh Zonuntluanga ten goal khat ve ve khungin Chhekhnai FC Player F. Laltanpuia chuan an lamah goal khat a tilut a, Chhekhnai FC tan Lalthanvawra leh Lalchhanhima ten goal khat ve ve an khung bawk a ni.

Vawiin chawhma dar 10:00-ah Group B atangin Sialsir leh Thangzuala Memorial FC (Thenzawl) inkhelin dar 12:00-ah Vengchung FC leh Chanmari FC bakah chawhnu dar 2:00-ah Chhiahtlang Kawn Veng FC leh El Ocho FC (North Vanlaiphai) te an inkhel ang.

Comments

Popular News (Last 30 Days)