College zirtirtu sawn chungchang sawifiah

Higher & Technical Education Minister, Dr. R. Lalthangliana'n tunhnaia College zirtirtu contract-a thawk mi 64 dahngheh tak te post siam danglam chungchangah sawrkar chu kalphung mumal tak neiin a kal tih a sawi.

    Nimin-a Assembly inkhawm ah Mamit bialtu MLA H. Lalzirliana zawhna leh zawhbelhna dangte a channa ah H&TE Minister hian, thawktute indaihlohna avanga harsatna thleng mek chu Sawrkar-in a hria tih House a hrilh a, tunhnaiah College zirtirtu contract a thawk mi 64 te dah ngheh an ni a, kar kalta khan an awmna hmun tur siamfel niin Aizawl khawpui pawn College tam taka zirtirtu rei tak lo awm tawhte chu member te ngenna hre reng chungin siamrem an ni a, an zingah hian subject pahnih khat sawn remchang lo tih loh chu sawn chhuah vek an nih thu a sawi a. Hrangbana College zirlaite pawhin lungawi lohna an lantir chhan pawh a nih thu sawiin, zirlaite hmalakna chu zahawm viau mahse, order chhuak tawh tihdanglam erawh tha an tih loh thu a sawi a. An tidanglam a nih chuan midang pawhin an duhna an rawn thlen ve zel dawn avangin sawrkar chu a dinna ngaiah a la ding reng a, hetihrual hian College harsatna tawk bik te chu sawrkar-in a n harsatna a hriatpui thu a sawi bawk.