Tuivai lui sumdawn tawnna atan Minister in enfiah

Mizoram leh Manipur inrina Tuiruang leh Tuivai infinnaa Tuivai lui chu Lawng hmanga Mizoram leh Assam insumdawn tawnna atan hman tangkai theih a nih dawn leh dawn loh Transport Minister TJ. Lalnuntluanga chuan a hmunah a enfiah.

Transport Minister hian nimin zing khan Tuiruang lui, Zokhawthiang leh Kaani hmunhma, luikam te chu Lawng hmanga Mizoram leh Assam/Silchar inkalpawhna atana hman tangkai theih a nih dawn leh dawn loh a hmunah kalin a enfiah a, Tuivai leh Tuiruang lui chu Lawng hmanga Mizoram leh Assam inkalpawhna leh bungraw inchawkluh tawn nana tangkai taka hman theih a beisei thu sawiin, chu chu Mizoram hmarlam khua, he luidung chhehvel khua leh mipui tan thil tangkai leh pawimawh tak nia a hriat thu a sawi a ni. 

Transport Minister hian niminpiah khan Tuivai lui hi Manipur Tipaimuk lam atanga lutin Mizoram leh Manipur inrinna bul Manipur-a Sihpuikawn khawtlang chuan an lo hmuak a, Hmar Thangchhuah Puan lo hlanin Manipur leh Mizoram inrina Tuivai Lei tha taka dawh anih theih nan theihtawp chhuaha tan la tura ngenna an lo thlen a. Minister TJ. Lalnuntluanga chuan Zohnahthlak hnam hrang hrang te chu khawvel ramri then dan anga ram hran leh State hranah awm mah ila, thinlunga inpumkhatna in min suihkhawm mek a, inkalpawhtawnna tha neih chu hnam inpumkhat nan a pawimawh tak meuh tih hriat thar a tul thu a sawi bawk.

Comments

Popular posts from this blog