YMA Football Round of 16 khelh tan a ni

Serchhip Sports Complex-a Football Tournament khelh mekah Round of 16 khel tanin Quarter Final lut pawh hriat theih tan a ni ta.

Serchhip Sub-Hqrs. YMA buatsaih ‘Inter-Branch YMA Football Tournament’ khelh mekah hian nimin-a Round of 16 inkhel hmasa berah New Serchhip Venglai Branch chuan Thinglian Branch chu 12-1 in an sawp a, tun Tournament khelh tawh china insawpna nasa ber leh Goal lut tam ber tum a ni. He inkhel ah hian New Serchhip Venglai Branch tan Zirlianthanga chuan goal 4 leh Lawmsangzuala ten goal 3 khungin hattrick an siam ve ve a, Lalenkawla chuan goal hnih a khung bakah Lallawmkima, C. Lalnuntluanga leh Lalhriatpuia te chuan goal khat theuh an khung a ni.

Inkhel vawi hnihna ah Piler Branch in Chhingchhip Mualpui Branch chu 5-3 in an hneh bawk a, Piler Branch tan Lalhruaitluanga chuan goal thum khungin hattrick a siam a, Lalrinmawia leh Lalngaihsanga ten goal khat ve ve khungin Chhingchhip Mualpui Branch tan Lalbiakdika chuan goal hnih a khung bakah V. Lawmsangzuala chuan goal khat a khung bawk a ni. Heti hian Quarter Final-ah New Serchhip Venglai Branch leh Piler Branch te hi an inhmachhawn ang.

Inkhel hnuhnung berah Chhingchhip Venghlun Branch in Chhekhnai Branch chu si khat faiin an hneh hram a, Chhingchhip Venghlun Branch goal awmchhun hi Lalromawia khung a ni bawk. Quarter Final-ah Chhingchhip Venghlun Branch hian Vawiin-a Chhiahtlang Kawn Veng Branch leh Serchhip Chanmari Branch inkhel a chak zawk zawk an hmachhawn ang.

Vawiin-a inkhel turte :

Chhiahtlang Kawn Veng Br. Vs S. Chanmari Branch (10:00)

S. Vengchung Branch Vs S. Chhim Veng Branch (12:00)

Thenzawl Bazar Branch Vs S. Kawnpui North Branch (2:00)

Comments

Popular News (Last 30 Days)

Vawiin-ah HSSLC Exam result

LPG man bithliah thar