Serchhip Police DSB ten Serchhip-ah Heroin man

Serchhip Police District Special Branch (DSB) te chuan nizan hmasa khan Serchhip Chhim Veng-ah Heroin No. 4 Hawng 8 manin hemi kaihhnawih ah hian mi pahnih man an ni.
Serchhip Police DSB te hian tunhnaia Serchhip-a damdawi Heroin No. 4 rawn lut an chhui zuina ah Serchhip Chhim Veng In pakhat-a heng damdawi thuhruk te hi an man a, a neitu nia hriat C. Hmangaihzuali (59), Serchhip Chhim Veng leh heng damdawi a kawltir nia insawi C. Hmingthangi (33), Serchhip Chhim Veng te chu nimin khan man an ni a, thubuai siam sak an nih hnuah nimin khan Serchhip District Court-ah hruai nghal an ni.

Tunhnaiah Serchhip-ah Heroin No. 4 hi a man pawh a to leh hret tawh nia thudawn a ni a, tun tuma an man hi Sahbon bawm 8-a dah niin a vaiin gram 109.49-a rit a ni a, a vai hian tualchhung-a hralhna angin Rs.  240,000/- hu vel nia chhut a ni a, International Market ah chuan cheng nuai 54 chuang man nia chhut a ni thung.

Comments

Popular News (Last 30 Days)

LPG man bithliah thar