Gas man bithliah thar

IOCL in Revised Retail Selling Price a tihchhuah angin Mizoram chhunga eirawngbawlna Gas man tur bithliah thar a ni leh ta a. Vairengte tih loh Mizoram hmun dang zawngah chuan kg. 14.2 a rit eirawngbawlna Gas bur khat man chu Rs.1205/- a ni anga, kg. 19 a rit Commercial Cylinder man chu bur khat zelah Rs. 2165 a ni thung ang. Kg. 14.2 a rit Domestic Cylinder rate tarlan te hi 'Hme delivery' a hralh anih chuan bur khat zelah Rs.70/- belh zel tur a ni a, Godown-a hralh a nih erawh chuan Rs. 29.26 zel paih thung tur a ni a. Delivery Point ruatah te semchhuah anih chuan a chunga rate tarlan bakah Rs.7.53 belh tur a ni thung ang.