Thla 7 chhung a chhiah hmuh vbc. 575.64 tling

Mizoram sawrkar a Taxation Department chuan kumin April - October (thla 7) chhungin Chhiah chi hrang hrang Rs. 5,75,64,97,598 an hmu tling tawh a, hei hi kum 2022-23 a Chhiah hmuh beisei zat (target) Rs. 7,30,03,51,000 atangin za a 78.85 a tling.

Taxation Department hian Chhiah chi li- GST, Profession Tax, Sales Tax leh Entertainment Tax an la thin a, kumin thla 7 chhungin GST-ah Rs. 4,87,56,20,403; Profession Tax-ah Rs. 10,55,39,085; Sales Tax-ah Rs. 77,50,27,164; Entertainment Tax-ah Rs. 1,12,876 leh Chhiah dang atangin Rs. 1,98,070 an hmu tawh a ni.

Kum kal mek April thla ah Chhiah Rs. 90,46,82,225 hmuin, May thla ah Rs. 93,46,38,881, June thla ah Rs. 80,00,86,741, July thla ah Rs. 64,35,80,409, August thla ah Rs. 88,02,93,767, September thla ah Rs. 66,30,28,736 leh October thla ah Rs. 93,01,86,839 hmuh a ni tawh a, tun thla 7 chhung a chhiah hmuh tawh zawng zawng chu Rs. 5,75,64,97,598 a tling bawk.