Sipai ram luah man pek loh chungchang ah MYC Chairman in Defence Ministry a dawr

Lunglei North bialtu MLA leh Mizoram Youth Commission (MYC) Chairman Dr. Vanlaltanpuia chuan India Sipai in Pukpui ram an luah man ba kum 15 chhung an pek tawh loh chungchang chu Ministry of Defence hotute hnenah a thlen.

Dr. Vanlaltanpuia hian hun rei tak atanga Indian Armed Forces in Pukpui, Lunglei hmun an luah man (land rent) bat chungchangah Zirtawpni khan Ministry of Defence South Block, New Delhi dawrin Ministry aiawh hian Rakesh Mittal IDES, Joint Secretary Lands & Works; Eddie L. Khawlhring ICAS, Additional Financial Adviser & Joint Secretary leh Director Defence Estate te'n an lo dawngsawng a. Mizoram buai kum 1966 atanga India Sipai in Pukpui ram an luah man ba kum sawmpanga (15) chhung an pek tawh loh (overdues) avanga mipui manganna te chu bialtu MLA anih angin Ministry of Defence hotute hnenah hian a thlen a; thuneitu chuan engvanga hun rei tak rent hi pe tawh lo nge an nih leh eng harsatna te avanga pek loh nge anih tih te lo enfiah thuai an tum thu in an lo chhang a ni.

Defence Ministry aiawhte chuan Ministry leh Mizoram State Sawrkar in lehkha a an in dawr tawhna zawng zawng te lo enchhuah vek a, a theih anga chingfel tura hmalak an tum thu leh hun remchang hmasa ber a thlirho leh nise tha an tih thu MYC Chairman hi an lo hrilh bawk a ni.

Comments

Popular posts from this blog

Tukverh-a tlasual boral