Kuhva hralhna chungchang ah sawrkar nawr tum

Bilkhawthlir Kuhva huan neitu Pawl Cooperative Society Ltd. chuan an kuhva tharchhuah hralhna kawnga harsatna an tawh mek ah sawrkar dawr leh relin, a tul anga hmalak zel nise an ti.

Bilkhawthlir Kuhva huan neitu Pawl Cooperative Society Ltd. hian Inrinni khan Bilkhawthlir North VC Conference Hall-ah Annual Meeting neiin Myanmar kuhva avanga an kuhva tharchhuah hralhna kawnga harsatna an tawh mek chungchang hi an sawiho a, an pawl hruaituten a tawpna atan Mizoram sawrkar thuneitute tun thla chhungin dawr leh se tiin, hemi chhunga sawrkar atanga thu lawmawm hriat tur a awm lo a nih chuan tun aia na zawka hmalak nise, kawngpui dan chah thleng pawha hmalak nise an ti a ni.

Bilkhawthlir Kuhva huan neitu Pawl Cooperative Society-ah hian member 340 vel an awm mek a, heng te hian Share 2201 neiin he hunah hian Share khat Rs. 250/- zelin Rs. 5,50,250/- an sem a, Society Kuhva huan chu kumin ah cheng nuai 7-in an hralh a ni.

Comments

Popular posts from this blog

Tukverh-a tlasual boral