Larsap in zirna ngai pawimawh turin naupang a chah

Mizoram Governor Dr. Hari Babu Kambhampati chuan naupang te chu an nun-ah thil tam tak an la hmachhawn dawn avangin finna an neih a pawimawh thu sawiin, zirna ngai pawimawh turin a fuih.

Mizoram State Council for Child Welfare (MSCCW) buatsaih Painting Competition lawmman semna hun Inrinni-a PC Girls School, Mission Veng, Aizawl-a neih a hmanpuina ah Governor chuan he thu hi sawiin, naupang te chu kawng engkimah rilru zau tak pu turin a hrilh a, hnamdang zia leh an nunphung te hriatsak a, kan hnam ziarang pawh midang te hnena phochhuah a, inzirtawn zel tur kan nih thu sawiin, chu chu tunlai khawvel ah hlawhtlinna rahbi pawimawh tak a ni, a ti a. Mizoram State Council for Child Welfare te hmalakna, naupang kawng chi hrang hranga harsatna tawkte tana an theih anga an thawhna te chu lawmawm a tih thu a sawi a. He pawl hian India rama naupang huaisen chawimawina Mizoram atanga lang tur hming an recommend thin thu sawiin, naupang 39 laiin chawimawina an dawng thei chu ropui a tih thu a sawi a. MSCCW chu an hnathawh tha tak tak chhunzawm zel turin a fuih a ni.

Mizoram State Council for Child Welfare in Painting Competition an buatsaih ah hian naupang 109 telin Group 4-ah then an ni a. Heng Group-ah hian Vohbik naupang te pawh an telna tur ruahman niin Larsap hian lawmman a hlan a ni.

Mizoram State Council for Child Welfare hi sawrkar hnathawk pension tawh leh kum upa lam, khawtlang leh ram tana mi tangkai tak tak te telna pawl niin, tunah hian Social Welfare Minister chu President niin C. Lalrinliana chu Working President a ni a. Governor hi he pawl a Chief Patron a ni bawk.

Comments

Popular posts from this blog

Tukverh-a tlasual boral