Quarry chim-ah ruang la zawng mek zel

Tun thla ni 14 tlai-a Hnahthial District chhung, Maudarh khuaa ABCI lung lakna hmun (quarry) chim ah ruang zawn hna chu kalpui chhunzawm zel ala ni a, he quarry chim atang hian ruang 11 lakchhuah ni tawhin ABCI (NHIDCL)-a LO K. Lalremruata chuan tuna ruang lakchhuah tur la awm nia an hriat hi Jahidul Islam (27), Satrakanara (Assam) lam mi a ni a, ruang zawn hna thawk tur hian Inrinni khan 199 Bn. BSF leh 3rd Bn. MAP te chuan Uisathiam nen chhiatna thlenna hmun hi an thleng tawh bawk a ni. He vanduaina thlenga quarry chim in a chhilh Excavator panga zinga pathum chu lakchhuah ni tawhin ROC Compressor pahnih te chu lei hian ala chhilh nia hriat a ni bawk.