Mizoram State Economic Census Survey Provisional Results pawm a ni

Chief Secretary hova State Level Coordination Committee (SLCC) on Approval of Updated Provisional Results of the 7th Economic Census thukhawm chuan Mizoram State Economic Census Survey Provisional Results chu a pawmpui.

Nimin khan State Level Coordination Committee (SLCC) on Approval of Updated Provisional Results of the 7th Economic Census chu Mizoram Chief Secretary Dr. Renu Sharma hova thukhawmin kum 2019 atanga rampum huap Economic Census neih mek atana Mizoram State Economic Census Survey Provisional Results chu an pawmpui a. He Provisional Results for 7th Economic Census hi Ministry of Statistics & Programme Implementation (MOSPI), GoI hnenah thehluh a nih hnuah MOSPI-in pawmpui zel a nih chuan 7th Economic Census of India-ah chhuah tel a ni ang.

Seventh Economic Census hi rampum ah kum 2019 atang khan kalpui tan niin Mizoram Economic Survey Result lailawk pawh October 21, 2021-a SLCC-a neih ah khan pharh ni mah se Lunglei leh Serchhip District Survey Report-ah thil diklo/ziah sual hmuhchhuah a nih avangin heng District 2-ah te Economic Survey tihthat leh a ni a. Chumi siamttat hnua Provisional Result siamthar leh chu nimin khan SLCC 3rd meeting-ah pharh leh niin pawmpui a ni ta a ni.

He huna tarlan a nih danin Mizoram chu rampum Economic Census Share of States-ah 27th Rank a hauh phah a, Sixth Economic Census (2013)-ah khan Mizoram chu Rank 30-na a ni thung. Seventh Economic Census Provisional Results-a landan angin Mizoram district 8 (Aizawl, Champhai, Kolasib, Lawngtlai, Lunglei, Mamit, Saiha & Serchhip)-ah Economic Establishments 74,426 a awm mek a, Workers 21,436 an awm bawk a ni. Economic Census-ah hian Crop Production, Public Administration, Defence & Compulsory Social Security srvices te hi survey tel a ni ngai lo a ni.

7th Economic Census neih mekah hian IT hmanga Survey hna thawh hmasak berna niin Mizoram-ah pawh khaw hrang hranga Community Service Centre (CSC)-te leh tualchhung mi Smartphone neite chhawrin, chipchiar leh uluk takin Survey hi kalpui a ni a. Rampum economic survey neih hian sawrkar programme leh policy duanna kawng ah nasa takin a pui thin a, ramchhunga hmun hrang hrangte economy zone-ah thenhran tur dante pawh tiawlsamin sawrkar hmachhawp leh hmalak zelna turah a kaihruai thin a ni.