Mizoram chu ram nuam leh mawi, adventure leh eco-tourism lama hmalam hun eng tak a ni tih sawi

Union Minister for Tourism G. Kishan Reddy chuan Mizoram chu ram nuam leh mawi, adventure leh eco-tourism lama hmalam hun eng tak a nih thu a sawi.

Nizan hmasa-a ni thum awh tur International Tourism Mart, 2022 (ITM, 2022) hawnna R. Dengthuama Hall, Mualpui a neih ah he thu hi sawiin Tourism Minister G. Kishan Reddy chuan ITM hian India hmarchhaka Tourism tihhmasawna thanlen tir a tum ber a, hemi atan hian ITM kaltlangin hmarchhak khualzin hip thei hmun chi hrang hrangte leh hmarchhak State te thil siam leh tharchhuahte pholan a; sawrkar, mimal leh pawl hrang hrang ten a hlawkna an tel theihna tur kawng zawnna atana inkawmhona leh sawihona hun tha tak siam chu a tum ber pakhat a nih thu a sawi a. G-20 a India President a nihna chuan khawvel huapah India chu dinhmun sang takah a dah dawn a, hmarchhak State a Tourism investment hawnna atan pawn nasa takin a pui dawn a ni, a ti a. Heng investment te hi hospitality huangah chauh ni lovin Adventure, Cruise, Wellness leh a dang te ah pawh nasa taka tihpun anih tur thu a sawi bawk a. Khawvel hmun hrang hrang atanga investment lo lut te hian hmeichhia, migrant workers leh hnam hnufual zawk te tan eizawnna a siam sak tur chu a lawmawm takzet a ni, a ti bawk.

Union Tourism Minister chuan Prime Minister Narendra Modi chuan kum 2019 Independence Day khan India mipuite chu ramchhunga khualzin hip thei hmunhma 15 tal 2022 ralhma a tlawhchhuak tura mipuite a ngen thu sawiin, heng kawngah hian chhungkua a naupang ten tha an thawh theihnan YUVA Tourism Club changtlung tak Mizoram College leh School-ah te din a ni chu Mizoram sawrkar chungah lawmthu a sawi a. National Digital Tourism Mission changtlung tak din tuma hmalak mek a nih thu sawiin, North Eastern Council, Border Roads Organisation, Ministry of Defence leh Ministry of Telecommunication hnuaiah hmarchhak state te hmasawnnan chak taka hmalak mek leh hmalak zel a nih tur thu a tarlang a. Hmarchhak hmasawn nana pawimawh sawrkar ngelnghet State hrang hrangin an nei chu lawmawm tih sawiina inelna thianghlim leh thawhhona tha a thlen ngei a beisei thu a sawi bawk.

Comments

Popular posts from this blog

Tukverh-a tlasual boral