Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MADC sawrkar Vote hmanga paihthlak a ni

Mara Autonomous District Council (MADC)-a H. Malvina kaihhruai Congress leh MNF sawrkar intawm chu nimin khan No Confidence Motion hmanga paihthlak a ni.

MADC thutkhawm ni thum awh tur neih mekah nimin khan thutkhawm tan a nih veleh Zyhno bialtu MDC L. Prisila chuan sawrkar rintawk lohna Motion chu pulut in he Motion thlawp zawng hian M. Laikaw leh K. Hrahmo ten thu an sawi a, Motion thlawp lo zawngin MADC-a CEM H. Malvina Deputy CEM HC. Lalmalsawma Zasai te chuan an sawi ve bawk a. Hemi hnu hian Chairman kaihhruaina in Secret Ballot hmangin sawrkar fiahna hi neih zui a ni a, Motion thlawp zawng hian vote 15 tlain Motion thlawp lo zawngin vote 9 a tla bawk a, H. Malvina kaihhruai sawrkar chu vote hmanga paihthlak a ni ta a ni.

MADC-ah hian MDC Seat 25 awmin kumin May thlaa inthlanna neih ah khan BJP chuan Seat 12 lain MNF in Seat 9 leh INC in Seat 4 an la a, MNF leh INC te hian sawrkar intawm siam mah se kum chanve velah paihthlak a ni leh ta a ni.

Comments

Popular News (Last 30 Days)