Inbiakpawhna tha zawk neih dan tur sawiho

State Broadband Committee (SBC) chu tunkar Nilaini khan an Chairman leh Chief Secretary Dr. Renu Sharma hova thukhawmin Mizoram-a inbiakpawhna tha zawk neih theihna tura hmalakna hrang hrang an sawiho.

Chief Secretary Conference Room, Aizawl-a thutkhawm neih ah hian Mizoram thingtlang khuaa Mobile Connectivity tha zawk kan neih theih nana 4G Saturation Project hmalak mek dan sawiho a ni a, he Project hmang hian Mobile Signal awm lohna khua zawng zawng ah 4G Connectivity pek vek an nih theih nan hmalak a ni a. Mobile signal that lohna khua 61 la awm zinga 51-ah te tunah hian Mobile Connectivity tha tak an neih theihna turin hmalak mek a ni.

State Broadband Committee hian Mizoram chhunga 5G kan hman vek theihna tur 5G Rollout atana hmalakna an thlirho bawk a, 5G State Rollout Committee chu Chief Secretary kaihhruaina hnuaiah din tawh niin theihtawp chhuaha hmalak nghal a ni a, 5G Rollout atan hian Street furniture hrang hrang te hman tangkai dan tur sawiho niin, hemi atan hian ICT Department, UD&PA, P&E, PWD, AMC leh a kaihhnawih Department ten Dan leh hrai an neihsa thenkhat te siamrem tura hmalak tum a ni bawk.

State Broadband Committee hian Mizoram-a Internet connectivity tha zawk kan neih theihna turin theihtawp chhuahin hma a la mek a, a tul ang anga kaihhnawih department leh organization te pawh theihtawp chhuah turin a ngen an ni.

Comments

Popular posts from this blog

Tukverh-a tlasual boral