Pneumonia do beihpui thlakna tur hawn a ni

Pneumonia avanga naupang kum 5 hnuailama thihna thleng thin laka beihpui thlakna, Social Awareness and Action to Neutralize Pneumonia Successfully (SAANS) Campaign hawnna chu nimin khan neih a ni.

Multidisciplinary Training Centre, ITI-a he Campaign hawnna ah hian Director of Health Services Dr. Lalzepuii chuan Pneumonia beilet tura tan lak a ngaihzia sawiin, he Campaign in a tum te chu Naupang kum 5 chin hnuailam Pneumonia vei te enkawlna tha tak pek leh mipui vantlang hnena Pneumonia vei lo tura invenlawk a tulzia a sawi uar a, Pneumonia vei mek te enkawlna tha pek inzirtir te, Pneumonia vei te enkawlna hmanraw hrang hrang tihchangtlun te a ni tih a sawi a. A hun taka enkawlna pekin thihna pumpelh theih a nih thu sawiin, naute thla ruk a tlin hmaa nu hnute chauh pek leh chumi hnu lama chaw tha dang pek te, hri danna lak that tir te, an damloha mithiamte rawn vat nachang hriat te, kut fai taka sil te, tui thiaghlim in te, fai na uar tur leh eirawngbawl nana khu siam thei hman uar loh hram te a pawimawh thu a sawi bawk.

Comments

Popular posts from this blog

Tukverh-a tlasual boral