Serchhip District-a Bawng lakluh khapna ti danglam

Serchhip District chhunga Bawng lakluh chungchanga Oct. 26, 2022-a thupek lo tihchhuah tawh chu tih danglam leh niin thupek thar tihchhuah a ni.

  Hemi chungchanga Serchhip District Magistrate Lalmuansanga Ralte in thupek a tihchhuah ah tunhnaia Champhai District khaw thenkhat a Bawng Ke leh Ka natna (FMD) hri leng mek nia hriat chu AH & Vety mithiam ten an endik hnuah hri kaia rinhlelh hmuh belh a nih loh avangin Serchhip District chhunga Bawng lakluh khapna thupek Oct. 26, 2022 chu tih danglam a nih thu a tarlang a. Serchhip District chhunga Bawng lak luh turte chuan Veterinary Soundness Certificate an nei ngel tur a nih thu leh Veterinary Soundness Certificate nei lo Bawng phur/kai manchhuah an nih chuan dan anga an chungah thununna lekkawh a ni ang tih tarlangin, hei hian thupek hmasa chu a luahlan (supercede) ang tih a tarlang a. He thu-pek hi Nov. 2, 2022 atanga thla hnih (2) chhung huam tur niin thupek zawmlo chu IPC Section 188 hmanga hrem an ni ang.

Comments

Popular News (Last 30 Days)

Vawiin-ah HSSLC Exam result

LPG man bithliah thar