Serchhip-a DRDO Project Director Quarters sak thar RD Minister Lalruatkima’n a hawng
New Serchhip Khawtetlang-a DRDO Project Director Quarters hawnna hunah hian RD Minister Lalruatkima chuan Serchhip-ah DRDO Project Director Quarters thar tha tak sak a ni ta chu lawmawm a tih thu sawiin, hemi atana RD Department leh DRDA tia hriat thin, DRDO tih taka thawktute inpekna leh thahnem ngaihna chu lawmawm a tih thu a sawi a ni. RD Minister Lalruatkima chuan a Department enkawl ah te hmasawnna lawmawm tak tak hmuh tur a awm thin chu lawmawm a tih thu sawiin, DRDA kalphung tih danglam a nih tak thu leh tunah chuan DRDO tih a nih tak dan leh thawktute chungchanga hmalakna hrang hrang te a tarlang bawk a. DRDA a thawk thin mi 87 lai te pawh dah ngheh an nih tawh thu sawiin, District hmasawnnna atana thawktu an nih avangin mipuite nen thawhhona tha an neih a pawimawh thu leh thawhhona tha tak an neih thin ah lawmthu a sawi bawk. RD Minister chuan Serchhip-ah DRDA Project Director Quarters an neih ngai loh thu sawiin, hemi chhunga DC Office ten an lo hmui thinna ah lawmthu a sawi bawk.
Cheng nuai 95 senga sak DRDO Project Director Quarters hi Mizopa chhiara chhawng thum niin a chhawng hnuai ber ah hian Driver chenna tur ruahman a ni a, hetah hian Kitchen cum Dining Room, Common Room leh Bedroom pakhat te a awm a, a chhawng khatna ah hian Kitchen cum Dining Room bakah Common Room leh Bedroom pahnih awmin a chhawng chung berah hian Common Room, Bedroom pahnih a awm bawk a, chhawng tinah hian inthiarna tha tak dah vek a ni bawk.
Serchhip DRDO Project Director Quarters thar hawnna hun hi Irene Zohlimpuii Chongthu, Jt. Secretary RD chuan kaihruaiin Zoremthara Ralte, Deputy Secretary RD Department chuan Technical Report a pe a, Serchhip DRDO Project Director Malsawmtluanga chuan lawmthu sawina hun a hmang bawk a ni.
Comments
Post a Comment