DTO Office tur peihfel hnai

Cheng nuai 240 vel zet senga sak Serchhip Darnam Tlang-a Serchhip DTO Office leh Maxi Cab Terminal Building tur sak hna chu zawhfel thawkhat niin hun reilote ah hawn beisei a ni.
Kum 2020 November thla atanga CB Construction, Aizawl ten cheng nuai 240 zel senga an sak he building hi hawn thuai tum a nih thu kumin-a India Independence Day lawmna Ser-chhip-a neih ah Minister Lalruatkima chuan a lo sawi tawh a, he building hi Mizopa chhiara chawng li (4) niin a hnuai ber hi Chokidar Quarters tur niin kawng an hnuai hi Maxi Cab dinna hmun tura ruahman a ni a, lirthei 16 vel dah theihna tur niin kawng an hi Motor Vehicle Inspector (MVI) Room tur leh Fee hrang hrang pekna tura ruahman a ni a, a chung berah hian DTO leh thawktu dang Room a awm dawn bawk a ni.

Serchhip DTO C. Lalawmpuia chuan tunah hian a building sak hna leh Electric leh Tui pekna chu peihfel a ni tawh tih LENKAWL hrilhin Inchhung mamawh thildang atana senso tur te Directorate-ah an dil mek thu a sawi a, heng te hi an hmu a nih chuan hawn mai theih tura an ngaih thu leh thuneitu sang zawkin ruahmanna an siam anga kalpui zel tur a nih thu a sawi bawk.

He Building kawtzawl siamthat hna hi PWD chuan kar hmasa atang khan an thawk a, Inrinni khan khawl hmanga siamrual niin Vawiin atang hian Boulder phah hna thawh zui nghal a ni dawn a, hemi hnu hian hmanraw dang ngaihtuah zuiin a rang thei ang bera peihfel an tum thu helai hmuna hnathawh enkawltute chuan an sawi a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar