Latest News

Dengue vangin mi 2 thi tawh

Mizoram-ah kumin chhungin Dengue vanga thi mi 2 chhinchhiah an awm tawh a, hetihlai hian kumin chhunga Dengue vei hmuhchhuah zawng zawng zat chu 372 a tling tawh.

Health Department-a Joint Director (Malaria) Dr. Hmingthanmawii sawi danin, Office lamin a kimchangin report la dawng chiah lo mahse, tun thlenga an hriat theih chinah kumin ah Dengue vanga thi mi 2 chhinchhiah (confirm) an awm tawh a, October ni 23, 2022 thleng khan Mizoram-ah Dengue vei hmuhchhuah 372 an awm tawh bawk a ni.

Mizoram-ah Dengue vei hi kum 2016 ah mi 580 hmuhchhuah an lo ni tawh a, kum 2017-ah mi 136, kum 2018-ah mi 68, kum 2019-ah 131, kum 2020-ah mi 67 leh nikum 2021 khan mi 83 hmuhchhuah a lo ni tawh a. Mizoram sawrkar thuchhuah tarlan danin, Dengue hi natna chi khat virus in a thlen a ni a, he natna hrik (virus) hi Thosi in a pu darh thin a, chuvangin Thosi seh atanga inkaichhawn theih a ni. Dengue natna thehdarhtu Thosi hi Thosi chi khat Aedes aegypti (a dum leh a var tial rik rek), Mizo ten Thosi rang kan tih hi a ni. Aedes thosi te hian vawi khat Dengue hrik a pai tawh chuan a damchhungin a pai reng a, a seh apiang ten Dengue natna an kai thin a. Aedes Thosi te hian chhun khaw en laiin mi an seh deuh ber thin a ni.

Comments

Popular News (Last 30 Days)