Education Minister hovin Zirlaite Ni hman a ni

Mizo Zirlai Pawl (MZP) Assembly Vawi 66-na leh Zirlaite Ni ni bawk chu nimin khan School Education Minister Lalchhandama Ralte hovin Darzo tlang Liandala Run-ah hman a ni.

Nimin-a he hun hmanna ah hian Education Minister chuan Mizoram sawrkarin hun engemaw chen atang khan October ni 7 hi 'Zirlaite Ni' atan a puang tawh tih sawiin, “He ni hi zirlaite hnenah nunkawng dik leh zirna kaihhnawih hrang hranga inzirtirna hun atan hman thin a ni a. He ni hi, zirlaite tan ruihhlo leh HIV laka fihlim inzirtir nan te, aia upa zahna leh Mizo Nationalism inzirtir tharna hun atana hman nise a tha hle mai,” tiin, “Mizo nun zemawi a ral mai a hlauhawm tawh hial a, i tuaithar leh ang u,” a ti bawk.

Education Minister chuan ram hruaitute an famkim bik lo tih he hunah hian sawiin, “Zahlo taka sawisel mai loin, tawngtaipui thin ang u. Kan ram in a mamawh em em chu Central Service a luh tam hi a ni a. Mizo zirlaite hian kan tum chuan kan thei a, Pathian tih leh Ram leh Hnam vei mi nichungin lehkha i zir ang u,” a ti a. Education leh Sports chu kalkawpin naupang talent nei thate dapchhuah tum a nih thu a sawi bawk.

Comments

Popular posts from this blog