Bialtu MLA in MLA Fund hman dan ah lawmthu sawi

Serchhip bialtu MLA Lalduhoma chuan Serchhip bial chhunga MLA Fund hmanga tha tak taka hna thawh a ni chu lawmawm a tih thu a sawi.
Serchhip Bial-a rawn kal Lalduhoma hian nizan hmasa-a an Party Workers te nen an inkawmna ah Serchhip Bial chhunga MLA Fund hmanga an hna thawh hrang hrangte thlirin Fund an hmang tha em em tih sawiin, heng ah te hian ama tih ve chu tlemte a ni tih a sawi a, “Hetiang hna tha kan thawh theihna chhan ber chu kan member-te leh khaw mipuite in ni a, in chungah ka lawm em em a ni. Pathian zarah kan lo sawrkar ve a nih pawhin kan hna thawh dan kalphung hi kan chhawm nung zel tur a ni ang,” a ti bawk.

ZPM Leader ni bawk Lalduhoma chuan ZPM chuan a ni telin hma a sawn zel tih pawh sawiin, anmahni thawhrah ni loin, mipui thinlung ah ram siamthat duhna a nasat tawh avanga chung lam hna thawh a nih zawk avangin, Party Worker-te pawhin Pathian duh tur anga hna kan thawha tawngkam te pawh uluk a ngaih thu a sawi bawk.


Thla thar-a Serchhip khua in India Eastern Territory Salvation Army Youth (SAY) Congress vawi 26-na a thlen tur atana Serchhip P&E Veng Leisekawt Mual-a Pandal sak hna thawh mek pawh nimin zing khan bialtu MLA hian a hmunah kalin hnathawh tawh chin te a enpui nghal bawk a ni.

Comments

Popular posts from this blog