YMA Football Tournament khel chhunzawm

Serchhip Sub-Hqrs. YMA buatsaih Inter-Branch YMA Football Tournament chu nimin khan Serchhip Sports Stadium-ah khelh leh niin match 3-ah goal 18 zet a lut.

Nimin a inkhel hmasa berah Thinglian Branch YMA chuan North Vanlaiphai Venglai Branch chu si nga faiin an sawp a, Thinglian Branch tan minute 18-na ah Lalrempuia chuan goal hmahruai khungin minute 32-na ah Lalnunzauva, minute 41-na ah Lalrindika leh minute 78-na ah Lalruatsanga ten goal khat theuh khungin North Vanlaiphai Venglai Branch player Lalchawimawia chuan an lamah goal khat a tilut bawk a ni.

Inkhel vawi hnihna ah Piler Branch chuan Ngentiang Branch 7-1 in an sawp bawk a, Ngentiang Branch tan minute 13-na ah Lalmuanawma chuan goal hmahruai khungin Laldingliana chuan minute 18-na ah a khing belh leh a, Lalhruaitluanga'n minute 23, 27, 31 leh 79-na ah goal khungin hattrick a siam a, Lalnunmawia chuan minute 86-na ah an goal sarihna a khung leh bawk a, Ngentiang goal awmchhun hi minute 68-na a Vanmalsawma khung a ni thung.


Inkhel hnuhnung berah Chhingchhip Mualpui Branch ten Sialhau Branch si nga faiin an sawp a, Chhingchhip Mualpui Branch tan minute 19-na ah Lalbiakdika chuan goal khungin minute 21-na ah Isaac Laldingngheta, minute 49-na ah Ramdinthara, minute 79-na ah Stephen Lalnunpuia leh minute 80-na ah PC. Laltluangkima ten goal an khung a ni.

Vawiin hian Thingsulthliah-ah YMA Rorel Inkhawm neih a nih dawn avangin he Tournament hi khelh a ni dawn lova, naktuk-ah khelh chhunzawm leh tur a ni ang.

Comments

Popular posts from this blog