Latest News

Serchhip District-ah Bawng lakluh khap a ni

Bawng ke leh ka na hri a leng mek nia hriat a nih avangin Myanmar leh Champhai District atanga Bawng lakluh khapna thupek nimin khan tihchhuah a ni.
Hemi chungchanga nimin-a thupek a chhuah ah Serchhip District Magistrate Lalmuansanga Ralte chuan tunhnaiah Champhai District-a khaw thenkhat ah Bawng ke leh ka natna (Foot and Mouth Disease) a leng mek tih hriat a ni tih tarlangin, heng Bawng natna hian Serchhip District chhung a lo luh lohna tur leh kan ran te a lo him theih nan Section 144 Cr.Pc 1973 (Act-II of 1973) in thuneihna a pek angin Myanmar leh Champhai District atangin Bawng lakluh khap tlat anih thu a tarlang a. Foot and Mouth Disease (FMD) kai nia rinhlelh Bawng an awm an chuan Vety Official te hriattir vat tur a ni tih a tarlang bawk.

He thupek hi chhuah a nih (Oct. 26, 2022) atanga thla hnih (2) chhung huam tur niin thupek zawm lo te chu IPC Sec. 188 hmanga hrem an ni ang tih tarlan a ni bawk.

Comments

Popular News (Last 30 Days)