SDVA GB Meeting neih a ni

Serchhip District Volleyball Association te chuan nimin khan General Body Meeting neiin hruaitu thlanna an nei.

SDVA General Body Meeting hi Serchhip Press Club-ah neih niin an pawl Sr. Vice President VL. Hruaitluanga chuan a kaihruai a, Report hrang hrang ngaihthlak niin Rorelna huna an thurel zingah kumtin Age Group Tournament vawi khat tal neih telin, an Pawl Dan thenkhat tih danglamna tura rawtna awm pawh pawm a ni bawk.

Chawhnu lamah MJA Serchhip District kaihhruaina in kum 2022-2024 chhunga an hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng), Vice President-ah H. Rohmingliana (Chhim Veng), General Secretary-ah C. Laldinpuia (Chhim Veng), Joint Secretary-ah Ramthianghlima Ralte (Chanmari Veng) leh K. Lalrinngheta (Dinthar Veng), Treasurer-ah R. Lalhnehzauva (Vengchung) leh Fin. Secretary-ah C. Lalhruaitluangi (Chhiahtlang) te thlan an ni.