COVID-19 hri kai enkawllai za aiin tlem ve ta

Pathianni khan Mizoram-ah COVID-19 hri kai mi 4 hmuh belh niin nimin-ah hri kai enkawl dam mi 18 an awm belh thung a, Mizoram-a COVID-19 hri kai enkawllai chu mi za aiin an tlem ve ta a ni.

Pathianni khan Mizoram-a Sample 41 chiah enfiah awmin heng te hi Rapid Antigen Test hmanga Sample enfiah vek an ni a, heng atang hian COVID-19 hri kai mi 4 hmuh niin Aizawl District leh Khawzawl District-ah hri kai mi pahnih ve ve hmuh an ni a, Sample enfiah atanga chhutin za zela  9.76 te chuan hri hi an kai a ni.

Nimin khan Mizoram-ah COVID-19 hri kai enkawl dam mi 18 an awm belh ve leh bawk a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,404 niin an zinga 2,27,617 te chu enkawl dam an ni tawh a, hri kai hmuh atanga chhutin za zela 99.66 te enkawl dam an ni tawh a, hri kai enkawllai mi 87 la awmin hri kai zingahh mi 700 an boral tawh bawk. Mizoram District 11 zingah Siaha, Champhai leh Lawngtlai tihloh District tinah hri kai enkawllai hi an la awm a ni.