Assam Rifles awmhmun chungchang sawiho

/

Zokhawsang-a Assam Rifles insawn chungchanga ngaihtuah tur pawimawh te ngaihtuahin nimin khan Chief Minister Zoramthanga hovin sawrkar mi pawimawh te an thukhawm.

He thutkhawm CM Conference Hall-a neih ah hian Deputy Chief Minister Tawnluia, Home Minister Lalchamliana leh Land & Revenue Settlement Minister Lalruatkima te bakah Assam Rifles, Home leh Revenue Department hotute pawh an tel a, kum 2019 a Ministry of Home Affairs in Assam Rifles insawn thuai tura lehkha a lo thawn tawh hnua thenkhat chauh an la insawn leh, Assam Rifles lamin huntiam an bawhpelh nasat lutuk chungchang sawiho a ni a. Mizoram sawrkar chuan a tih tur ang te a tih tawh thu leh, infrastructure chungchanga bawhzui ngai thenkhat an thlen te pawh chak taka bawhzui thuai a nih zel tur thu sawiin, Assam Rifles lam atanga an la insawn theih lohna chhan chu anmahni ah lo sawiho a, rang taka hma la turin an inhrilh a ni.

He thutkhawm ah hian Deputy Chief Minister leh Home Ministry lam tunhnaia an inkawmna te ngaihthlak niin, hemi chungchangah hian sawrkar laipui atangin Mizoram lo kal tur an awm thu sawi a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »