Lunglei-ah 2nd Mizo Battalion NCC din a ni dawn

Sports Minister Robert Romawia Royte chuan Mizoram chhimlam District 4 te huam turin Lunglei-ah 2nd Mizo Battalion NCC din a nih tur thu a sawi.

State Training Centre, Tanhril-a 1st Mizo Air Squadron NCC Combined Annual Training Camp nei mek ten nizan hmasa a Cultural Night leh Camp Fire an buatsaih a hmanpuina ah he thu hi sawiin Sports Minister chuan 2nd Mizo Battalion NCC din tur hi Cabinet-in a pawm vek tawh thu leh kumin July thla hian kalpui tan tura ruahhmanna peihfel a nih tawh thu a sawi a. He hunah hian Social Media hman kawngah fimkhur theuh turin zirlaite chu a chah nghal a. COVID-19 hripui avanga kum hnih chhung ngawt Camp neih theih a nih loh hnua hun tha a inherchhuak leh chu lawmawm a tih thu sawiin, Cadet te chu an Camp chhunga an thil zirte hre renga, an hma hun atana tangkai taka hmang turin a chah a ni.

He hunah hian NCC Cadets hrang hrang ten Hnam lam chi hrang hrang leh an thiamthil te entirna hun an hmang a, aAn camp chhunga an thil zirchhuah te pholanna hun an hmang bawk. Cultural Program neih zawh hian Sports Minister hovin Camp Fire hun hman a ni a. Combined Annual Training Camp-a tel School leh College zawng zawngte hian Sports Minister hnen atangin infiamna hmanrua an dawng vek a ni.

1st Mizo Air Squadron NCC Combined Annual Training Camp-ah hian Mizoram District hrang hrang School leh College 24 atangin Cadet 400 chuang telin, Mizoram-a Cadet awm te chu an tel kim hle a. He Camp-ah hian Training chi hrang hrang .22 Rifle Firing, Skeet shooting, Arms drill, Foot drill, Cultural Programme te neiin Lengpui Airport-ah Commanding Officer Squadron Leader MK. Singh kaihhruaina hnuaiah Flying class neih a ni bawk a. Lecture chi hrang hrang- Fire prevention, HIV awareness, Environmental campaign, Aero Modelling leh a dangte chu Expert ten class lain zirtirna hun an hmang a ni.

Comments

Popular posts from this blog

Bialtu MLA in Laptop pe