Latest News

ZMC leh Health Department hnuaia hmalakna te Chief Minister hovin thlirho a ni

Nimin khan Mizoram Chief Minister Zoramthanga hovin ZMC chungchang leh Health Department hnuaia hmalakna tur ngaihtuah ngaite sawiin sawrkar mi pawimawh te an thukhawm.

He thutkhawm CM Conference Hall-a neih ah hian Health Minister Dr. R. Lalthangliana leh Health & Family Welfare Board Vice Chairman Dr. ZR. Thiamsanga te bakah Health Secretary, Principal Director leh Department hrang hrang hotute, H&FW Board, IMA leh MGDA aiawh te an tel a. Centrally Funded Medical Institute hrang hrang an zirchianna chhawpchhuah a ni a, ZMC chu JIPMER Model emaw Regional Institute Model anga kalpui tha dawn nia an hriat thu sawi a ni a. JIPMER Model-ah hian Host State tan seat 30%, a bak 70% Central Government Pool chu seat insem dan a ni a, Regional Institute Model (NEIGHRIMS, RIMS)-ah hian College awmna Host State in 30% seat changing Central Pool 15%, North Eastern Region tan 55% a ni thung.

ZMC-a zirtirna a that thu leh zirlaite pawh an that thu he hunah hian sawi ni bawkin, 100% Central Funding hmuh a, Facility tha zawk pek a nih theih chuan India rama Mdical College tha pawlah la inhlangkai thei ngei tura an beisei thu Department hotulu te chuan an sawi a. Heng bakah hian Health & Family Welfare hnuaia department hrang hranga thawktu mamawh leh post siam belh ngaite thlen a ni.

Comments

Popular News (Last 30 Days)