Aizawl Rotary Club in a thlawnin Tarmit sem mek

Aizawl Rotary Club chuan mi harsate tan a thlawnin Tarmit an siam sak. Aizawl Rotary Club hian Advertisement chhuahin zirlai naupang kum 5-18 inkar Mit lama harsatna neite tan whatsapp hmanga an harsatna thehlut tura an tih hnuah naupang 134 hming thehluh a ni a, heng naupang Tarmit te hi siam niin tunah hian 32 semchhuah a ni tawh a ni. Aizawl Rotary Club chuan Basic Education and Literacy hnuaiah Rotary India Literacy Mission Programme an kalpui a, COVID-19 hripui len hunlai khan naupang te chu School pangngai kal lovin E-Learning Platform ah zirna pek an ni a, naupang school kai te zingah Mit lama harsatna a bik takin Myopia (thil hla hmuh fiah theih lohna) a siam nasa tih hriat a nih thu an sawi a ni.