MPCC President in Mamit District a tlawh

Mizoram Pradesh Congress Committee President Lalsawta chuan, “Kan rawngbawl sak mipuite rethei taka an awm laia ram hruaitute lo hausak viau hi a zahthlak,” a ti.

MPCC President Lalsawta leh Vice President Lal Thanzara-te chuan Zirtawpni leh Inrinni khan Mamit District fangin, Mamit, Zawlnuam leh Kawrtethawveng-a vantlang inkhawm ah Lalsawta chuan thu a sawi a, “Mihring ngai reng hi nasa takin a insiamthat theih a, nasa takin a danglam theih. Pathian zara kan sawrkar a nih chuan a hma aia tha zawka tura insiam danglam thei miah lo te chu kan mamawh dawn reng reng lo. MLA hlawh duhtawk lo te hi Congress-a an awm a tul lo a ni,” a ti. He hunah hian MPCC Vice President Lal Thanzara pawhin, “Kan sawrkar chhung pawh khan kan lo lal rei deuh a ni ang, kan lo chapo a, paihthlakin kan awm ta a ni. Zoram mipuiten khawngaih takin min ngaidam rawh u. Tunah hian sawrkar ngawr ngawr hi kan tum a ni lo a, Sawrkar tha siam hi kan tum ber a ni,” a ti bawk.