Hri kai zaa 99.27 te enkawl dam an ni tawh

Zonuna Kawlni (LENKAWL) • April 4, 2022 • Comments • Mizoram

Mizoram-a COVID-19 hri kai hmuhchhuah chu mi 2,24,754 ni tawhin hri kai hmuhchhuah atanga chhutin za zela 99.27 te chu enkawl dam an ni tawh.

Inrinni khan Mizoram-ah Sample 563 enfiah niin heng atang hian COVID-19 hri kai mi 120 hmuhchhuah an ni a, Sample enfiah atanga za zela 21.31 te chuan hri an kai a ni. Inrinni a hri kai hmuh te hji Rapid Antigen Test hmanga Sample enfiah atangin hri kai mi 118 hmuh an ni a, Fluorescent Immunoassay Test hmangin Aizawl District-ah hri kai mi pakhat hmuh niin ZMC-a RT-PCR Laboratory-a Sample enfiah 45 atangin hri kai mi pakhat hmuh a ni bawk. District hrng hranga TrueNat Laboratory-ah Sample 8 enfiah niin hri kai hmuhchhuah an awm lo a ni.

Zirtawpni khan Mizoram-ah Sample 896 enfiah niin hri kai mi 112 hmuh an ni bawk a, ZMC leh Lunglei-a RT-PCR Laboratory-ah Sample pakhat ve ve enfiahin hri kai hmuh an awm lova, District hrang hranga TrueNat Laboratory-ah Sample 6 enfiah niin Hnahthial-ah hri kai mi pakhat hmuh a ni a, Fluorescent Immunoassay Test hmanga Ser-chhip District-a Sample 4 enfiah atangin hri kai mi pakhat hmuh a ni a, Rapid Antigen Test hmanga Sample 884 enfiah atangin hri kai mi 110 hmuh an ni bawk.

Inrinni khan Mizoram-ah COVID-19 hri kai enkawl dam mi 178 awmin nimin khan hri kai enkawl dam mi 53 an awm belh leh a. Heti hian nimin thleng khan Mizoram-a COVID-19 hri kai hmuh tawh chu 2,24,754 niin an zinga 2,23,123 te chu enkawl dam an ni tawh a, hei hi hri kai hmuh atanga chhutin zaa 99.27 niin hri kai enkawllai 944 an la awm a, hri kai zingah mi 687 an boral tawh a ni.