Oil phurhluh ah harsatna

Zonuna Kawlni (LENKAWL) • April 4, 2022 • Comments • Mizoram

Oil phurh man chungchangah Indian Oil Corporation (IOC) leh Mizoram-a Oil phurtu (transporter) te an inrem theilo a, hemi vang hian Mizoram-a Oil phurluh kawngah harsatna a awm mek a. Mizoram sawrkar pawhin he harsatna hi IOC hotute hnenah a thlen tawh nia thudawn a ni. All Mizoram Petroleum Dealers' Association (AMPEDA) hruaitute chuan IOC in April 1, 2022 atanga hman tur tuialhthei (oil) phurhna man (transportation bill) a siam chu rate hmasa aia a chhiat vangin Mizoram-a Oil phurluttu ten an pawm theilo a, hetihlai hian hnamdang mimal Oil phur ten rate hniam taka an chhanna chu pawmin, IOC lamin rate thar hmangin load an lo pe a, chung mite chu Vairengte-ah an challan te enfiah sakin, dan mek te pawh an awm nia hriat a ni.