Latest News

Vice President atanga Zawma banna pawm saklo

MNF Vice President, Vanlalzawma’n a nihna atanga banna a thehluh chu pawm sak ni lovin a hna ngai chelh chhunzawm tura tih a ni.

Tarlan tawh angin MNF Vice President, Vanlalzawma hi Serchhip bial Assembly bye-election neih zawh takah khan MNF Ticket-a din tir a ni a, he inthlanna a Vote tla te chhiar a nih hnuah ZPM Candidate, Lalduhoma chu hneh lovin a tling zo ta lova. Hei vang hian a mawhphurhna hlen zo lo ah inngaiin tunkar Thawhtanni khan an Party President, Zoramthanga hnenah Party Vice President atanga a banna hi a thehlut ta a ni.

Hetianga Vice President atanga banna a thehluh hnu nimin khan MNF President, Zo-ramthanga chuan Serchhip bial bye-election-ah Vanlalzawma chuan a tlinloh avanga a mawh-phurhna anga ngaia an Party Vice President atanga chawlh a dilna a lo hmuh thu sawiin, ngun taka an thlir hnuin a mawhphurhna a ngaia a thil tih chu ropui leh zahawm an tih thu a sawi a. Amaherawh chu ama mawhphurhna bik ni lovin Party hnathawktute zawng zawng mawh a ni zawk tih sawiin, hei vanghian chawlh a dilna chu pawm chi nia an hriatloh thu a sawi a, tlawmngai tak leh thahnem ngai taka Vice President a nihna chu lo chelh zui turin a ngen a ni.

Comments

Chhiar Hlawhte