Latest News

Mizoram-ah hri kai hmuh tam ber ni a thleng leh

Niminpiah khan Mizoram-ah Sample 3218 enfiah niin COVID-19 hri kai 238 hmuhchhuah leh an ni a, COVID-19 hri a len hnua Mizoram-ah ni khat-a hri kai hmuh an tam ber ni a ni.

Niminpiah khan ZMC Laboratory-ah Sample 1342 enfiah niin COVID-19 hri kai mi 58 hmuhchhuah an ni a, heng hri kai hmuhchhuah zinga 51 te hi hri kai nen inkawmhnaihna nei an ni a, midang 6 te hi State pawn atanga rawn haw niin pakhat hi COVID-Free Certificate lak tum sample enfiah atanga hri kai tih hmuhchhuah a ni thung.

Niminpiah khan District hrang hranga TrueNat Laboratory-ah Sample 152 enfiah niin hri kai mi 34 hmuhchhuah an ni bawk a, an zinga mi 27 te chu Mamit District-a hri kai hmuhchhuah niin 4th IR Batallion mi leh sa, West Bengal inthlanpui-a duty lo haw, Rengdil IR Bn. Camp a quarantine lai mek an ni a. Midang 7 te hi Serchhip District-a hri kai hmuhchhuah niin Kram Infracon Pvt. Ltd. mi leh sa, tunhnaia State pawn atanga rawn haw te an ni. 

Mizoram hmun hrang hrangah niminpiah khan Rapid Antigen Test hmangin Sample 1724 enfiah a ni bawk a, heng atang hian hri kai mi 146 zet hmuhchhuah an ni a, an zinga mi 88 te chu Aizawl District atanga hri kai hmuhchhuah niin an zinga mi 12 te chu Lengpui Airport Screening Point-a hri kai hmuhchhuah an ni a, midang 31 te chu hri kaina hriatloh leh chhui ngai an ni bawk.

Niminpiah khan Serchhip District-ah hri kai mi 35 hmuhchhuah niin Kolasib District-ah hri kai mi 8 hmuh an ni a, Lawngtlai District-ah hri kai 7 hmuh niin Saitual  leh Lunglei District-ah hri kai mi 4 ve ve hmuh an ni bawk.

Nimin khan Mizoram-ah hri kai mi 75 te chu enkawl dam leh an ni bawk a, heti hian nimin tlai dar 5:00 thlenga Mizoram-a hri kai hmuh tawh chu 6794 niin heng zinga 5243 te chu enkawl dam an ni tawh a, hei hi hri kai hmuhchhuah atangin zaa 77.17 a ni a, hri kai enkawllai 1534 awmin nunna chan 17 an awm tawh bawk a ni.

Comments

Chhiar Hlawhte