Hri kai leh dam awm belh zel

Zonuna Kawlni /

Inrinni-a Sample enfiah atangin Serchhip District-ah COVID-19 hri kai mi 12 hmuh belh leh an ni.

Inrinni khan Serchhip District-ah Rapid Antigen Test hmangin Sample 207 enfiah niin heng atang hian hri kai mi 12 te hi hmuh an ni a, SGI Company hnuai hnathawk tura rawn lut, Kikawn-a rawn awm thar te Sample enfiahna ah hri kai mi 5 hmuh an ni a, Thenzawl-ah hri kai mi 5 hmuh niin an vai hian tunhnaia hri kai hmuh tawh nen inkawmhnaihna nei an ni a, Keitum-ah hri kai mi 2 hmuh ni bawkin nufa an ni. Inrinni khan Serchhip District-a TrueNat Laboratory-ah Sampe 35 enfiah niin hri kai hmuhchhuah an awmlo thung a. Nimin khan Thenzawl-ah RAgT hmangin hri kai mi 4 hmuh belh leh an ni bawk.

Serchhip District-a COVID-19 hri kai enkawl mi 6 te chu Inrinni khan chhuahtir an ni a, heng zinga 5 te hi Nursing School CCC atanga chhuahtir niin pakhat hi 4C Chhingchhip atanga chhuahtir a ni bawk a. Nimin khan Nursing School CCC atangin mi 2 chhuahtir leh an ni bawk.

Heti hian nimin thleng khan Serchhip District-a COVID-19 hri kai hmuhchhuah chu mi 544 an ni tawh a, an zinga 446 te chu enkawl dam ni tawhin hri kai enkawllai 97 an la awm mek a, hri kai zingah nunna chan pakhat a awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »