Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

SHG Womenpreneur Exhibition neih a ni

Mizoram State Rural Livelihood Mission (MzSRLM) Startup-Village Entreptreneurship Proramme (SVEP) bultumin nimin khan Serchhip-ah ‘SHG Womenpreneur Exhibition’ buatsaih a ni.

‘International Women's Day’ puala buatsaih DRDA Office kawt-a ‘SHG Womenpreneur Exhibition’ hi District Bawrhsap, Kumar Abhishek chuan hawngin he International Women Day ah hian khawvel puma hmeichhia te ropuina leh hlutna hriat thar leh a nih thu te,ei bar dapna kawnga thilthar hmuhchhuah leh chin chhuah zel anih theihna tura Self Help Group (SHG) ten an kutchhuak pholanna an nei thei chu hlu a tih thu leh lawmawm a tih thu a sawi bawk.

‘SHG Womenpreneur Exhibition’ ah hian Serchhip District chhung khaw hrang hranga SHG te kutchhuak Thlai Chi, Thlai rep chi hrang hrang, Theitui leh Handloom Product hrang hrangte phochhuah anih bakah Food Court-ah Cake chi hrang hrang leh ei leh in tur tuihnai tak takte lei theih tura phochhuah a ni a, mipui thahnem takin an tlawh a ni.

Tun dinhmunah District chhung khaw hrang hrangah Self Help Group 800 chuang awm mek a, Community Resource Person for Enterprise Poromotion (CRP-EP) ten an vil reng a ni.

Comments

Chhiar Hlawhte