Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

International Women Day hmang

Nimin March 8, 2021 kha 'International Women Day' niin Serchhip District-ah pawh he Ni hi hmun hrang hrangah urhsun taka hman a ni.

'International Women Day' pual hian Serchhip a awm 23 Sector hnuaia 8th Assam Rifles chuan an CO nupui, Ragini Mutum hovin Hmeichhia chanhai te enkawlna tur, Swadhar Greh, Thla-muanna In tlawhin eitur chi hrang hrang an hlan a. Swadhar Greh Superintendent, Lalnunpuii leh Counsellor, Cathy Lalthanpuii ten an lo dawng-sawng a, an thiltum leh din anih chhan tlangpui te hrilhin, helai hmun tlawhtute chuan hnathawktute inpekna a ropui an tih thu te leh Serchhip-ah hetiang hmun a awm chu lawmawm an tih thu an sawi a ni.

International Women Day hi Catholic Hmeichhe Pawl te pawhin urhsun taka hmangin Our Lady Assumption Church, Serchhip Parish-a te pawhin inkhawmna an nei a, he hunah hian Mass Thianghlim hlan niin bialtu Puithiam, Rev. Fr. Gabriel Laltlanthanga chuan Mass hi hlanin Kohhran mi thahnem tak an tel a ni.

KVK North Vanlaiphai pawhin KVK Meeting Hall-ah kuthnathawktu nu ho te nen he Ni pual hian hun an hmang a. He hunah hian ‘Women leadership in Agriculture : Entrepreneurship, Equity and Empowerment’ tih chu thupui-ah hman niin hun hmasa lamah ICAR in Programme an buatsaih chu biak hmuh theihna hmanga thlirho hmasak a ni a. Hemi hnu hian KVK-a thawktute nen hian hun hman zui niin KVK Serchhip District-a Head & Senior Scientist chuan a kaihruai a, KVK-a SMS (Home Science), K. Lalmal-sawmi chuan he ni puala thupui thlansa hmanga thu sawiin, he Ni-a thusawi tura sawm, Lalrothuami, N. Vanlaiphai (Women farmer) leh Siamthangpuii, N. Vanlaiphai (Women entrepreneur) te pawhin thu an sawi bawk a ni.

Chawhnu lamah KVK North Vanlai-phai hian N. Vanlaiphai Higher Secondary School-ah hun hmangin thupui thlansa hmangin Debate leh Essay inziahsiakna te an buatsaih bawk.

Comments

Chhiar Hlawhte