Latest News

Mizoram-ah hri kai hmuhchhuah belh zel an ni

Mizoram-ah COVID-19 hri kai hmuhchhuah belh zel niin nimin thlenga hri kai hmuh tawh chu 4454 an ni.

Niminpiah khan Mizoram-ah sample 432 enfiah leh niin heng atang hian COVID-19 hri kai mi 2 hmuh belh leh an ni a, heng hri kai hmuhchhuah te hi Aizawl District-a hri kai hmuhchhuah ve ve niin Rapid Antigen Test hmanga Sample enfiah 416 atanga hri kai hmuhchhuah an ni. Niminpiah-a hri kai hmuhchhuah pakhat hi State pawn atanga rawn lut, Lengpui Airport Screening Point atanga hri kai tih hmuhchhuah niin midang pakhat hi Aizawl Bawngkawn mi niin hri a kaina hriat a ni lo thung. Niminpiah khan ZMC Laboratory-ah Sample 16 enfiah niin hri kai hmuhchhuah an awm lova, District hrang hranga TrueNat Laboratory-ah sample enfiah a awmlo thung a ni.

Heti hian nimin thleng khan Mizoram-ah COVID-19 hri kai hmuhchhuah chu 4454 niin nimin khan COVID-19 hri kai enkawl dam awm belh lovin tun thlenga hri kai enkawl dam chu 4425 a ni tawh a, hri kai hmuhchhuah atanga za zela 99.34 te chu enkawl dam ni tawhin tunah hian hri kai enkawllai mi 18 zet an awm leh tawh a, hri kai zingah nunna chan mi 11 an awm tawh bawk a ni.

Comments

Chhiar Hlawhte