Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Zirna siamthat mekah naupang inziaklut an pung

School Education Minister, Lalchhandama Ralte chuan Zirna siamthat hna thawh mekah sawrkar School thenkhatah chuan sikul-a naupang inziak lut an pung ta tih a sawi.

Hmar tlangdung-a zin mek School Education Minister hi Sakawrdai Teachers Association-te chuan an khuaa zirna siamthat hna a thawhah hmasawnna nasa tak hmuh tur a awm avang leh zirtirtu lama indaihlohna avanga harsatna an neih pawh sutkian a nih tak avangin nimin khan lawmthu sawina hun an buatsaih a, he hunah hian School Education Minister chuan hmar tlangdung khua leh thingtlang hmun dangah pawh zirna a tlahniam nasa hle tih sawiin, “Zirtirtu pahnih khat lek lek awmna a tam a, School building pawh naupang tan zirna boruak awm theihlohna khawpa tlabalte a tam a. Heng ah te hian a theih ang angin zirtirtu dah belh a ni a, School building pawh engemaw zat sak that  a nih bakah repair hna pawh hmun tam takah thawh a ni,” a ti.

School Education Minister chuan hetianga sawrkarin a theih ang anga zirna siamthat hna a thawh avang hian khaw thenkhatah chuan kum hmasa nena khaikhinin Enrolment a lo pung ta a, sikul thenkhatah chuan thutna an indaih lova, Classroom sak belh ngaite pawh a awm ta hial a, hei hi thil lawmawm tak a ni, a ti a, sawrkar sikul te zawi zawiin a belhtlak zel ang tih a beisei thu a sawi bawk. School Education Minister hian Khawdungsei leh Sakawrdai-a sawrkar Office leh zirna In te a tlawh nghal bawk a ni.

Comments

Popular News (Last 30 Days)