Essay inziahsiak lawmman semna neih a ni

Nimin khan Serchhip DIET-ah 'International Women’s Day' puala Essay inziahsiak result puan leh lawmman semna hun hman a ni.

'International Women’s Day 2021' pual hian One Stop Centre Serchhip chuan DIET Serchhip zirlaite tan 'Equality of Sexes and Women Empowerment in Mizo Society' tih thupui hmanga Essay inziahsiakna an buatsaih a, a pumpui-ah K. Lal-rinliani, 4th Sem. chu pakhatna niin Rs. 3000, Citation leh T-Shirt a dawng a, Andrew Lalrin-muana, 4th Sem. chu pahnihna niin Rs. 2000, Citation leh T-Shirt a dawn bakah Monica Lalhmingmawii, 4th Sem. chu apthumna niin Rs. 1000 , Citation leh T-Shirt hlan a nih bakah mi 10 hnenah Consolation Prize Rs. 200 leh T-Shirt hlan theuh an ni bawk.

He hunah hian One Stop Centre-a Nodal Officer, R. Lalmuankimi chuan tunlai khawvel-ah hmeichhia ten kan theihna kawng hrang hrang in kan lanchhuahtir ve thei tawh a ni, tiin Tharum ah mipate tluklo mah ila, eizawnna kawng hrang hrangah leh politics thleng pawhin kan tan kawng a inhawng ve vek tawh a, chungah te chuan hmeichhia kan nih avanga indahhniam mai lova, kan theihna lan chhuahtir tura tan la theuh turin kalkhawmte a sawm a ni.

One Stop Centre-a Data Analyst, T. Biakchamliana kaihhruai he hunah hian Centre Administrator, Lalchhanhimi pawhin International Women’s Day hman tan anih dan sawiin, Serchhip District-a One Stop Cetre hnathawh leh an hmalakna hrang hrangte a sawi bawk. He hunah hian DIET-a zirlaite an tel a ni.